Një glob për të “sfiduar” në një mënyrë ambiciet e presidentit amerikan Donald Trump, por dhe një formë proteste që ndërmori kryeministri i Çekisë, Andrej Babis, që tashmë është bërë dhe një nga personazhet më të komentuar në rrjetet sociale. Ai tregoi se e kishte blerë globin për të gjetur Groenlandën pas ambicieve të Trump që kërkoi përvetësimin e territorit autonom të Danimarkës. “E bleva për të parë saktësisht ku është Groenlanda,” tha ai, duke treguar se kishte paguar rreth 15 mijë korona çeke, afërsisht 720 dollarë, për një glob “të bukur dhe të madh”. Mjaftoi kaq dhe rrjetet sociale shpërthyen. Disa prek komentuesve e tallën për veprimin ndërsa disa të tjerë i kujtuan Ukrainën për të parë se sa afër ndodhet lufta. Por pavarësisht komenteve Babis u përpoq të shpejgonte se e kishte blerë globin për të treguar afërsinë e Groenlandës me Rusinë. “Disa qeshin me mua, por truri i tyre funksionon ndryshe nga i imi,” tha ai, duke pranuar se të paktën kishte argëtuar publikun. “Në këtë glob të bukur mund të shohim madhësinë reale të Groenlandës krahasuar me SHBA-të dhe Europën. Edhe Rusia është afër, dhe nëse do të kishte një konflikt, Zoti na ruajt, raketa nuk do të duhej të shkonte larg”, shtoi ai. Ndërkohë, faqja çeke e krahasimit të çmimeve Heureka bëri të ditur se kërkimet për globe janë rritur me mbi 400 për qind brenda pak ditësh. Andrej Babis drejton një qeveri koalicioni me tre parti dhe ka marrë drejtimin e politikës së jashtme që nga muaji dhjetor.