Ministri I Brendshëm, Bledi Çuçi ka zhvilluar një takim me Sekretaren britanike te Punëve të Brendshme, Suella Braverman. Në një reagim, Bledi Çcuçi bën me dije se kanë diskutuar për fenomene si emigracioni I paligjshëm apo krimi I organizuar, me Ministrin shqiptar që ka kërkuar të mos stereotipizohet komuniteti shqiptar. “Me homologen britanike Suella Braverman diskutuam mbi bashkëpunimin dypalësh për të adresuar çështje komplekse si emigracioni i paligjshëm dhe krimi i organizuar, fenomene transnacionale që kurrsesi nuk mund të identifikohen me etni të caktuara. Ndava me homologen time shqetësimin se është e patolerueshme që komuniteti shqiptar të veçohet dhe stereotipizohet vetëm nga disa personazhe të botës ilegale” u shpreh Cuci.