Kancelarja Angela Merkel është shprehur në favor të kufizimeve të përgjithshme për të pavaksinuarit, por kundër një izolimi të përgjithshëm. Në një takim me zyrtarë të partisë, Merkel tha se kufizimet mund të shkojnë përtej modelit 2G (lehtësime për të vaksinuarit ose të shëruarit) dhe se nuk përjashtohet mundësia që të pavaksinuarit të testohen çdo ditë në vendin e punës. Edhe ministri i Shëndetësisë në detyrë, Jens Spahn, kërkon t'i japë priroritet vaksinimit. Spahn, i cili u vaksinua vetë për herë të tretë javën e kaluar, është për rihapjen e qendrave të vaksinimit dhe rifreskimin e vaksinimit për të gjithë. Aktualisht në Gjermani janë vaksinuar afro 67% e popullsisë. Spahn, ishte shprehur në fundjavë për rihapjen e qendrave të vaksinimit dhe rifreskimin e vaksinimit për të gjithë. Strategjinë e gjermanisë në dimrin e dytë në pandemi, do ta përcaktojë bundestagu i ri ndërkohë që po zhvillohen bisedime me landet për rifreskimin e vaksinimeve për persona mbi 60 vjec. Disa lande kanë marrë tashmë masa. Në saksioni, ku rritja e infektimeve ka qenë e madhe, janë forcuar rregullat për restorantet, eventet në ambjente të mbyllura etj. Zyrtarët kanë thënë se nëse spitalet do të mbingarkohen, mund të shpallet edhe gjendja e jashtëzakonshme.