Rastet e para të koronavirusit janë identifikuar tani edhe në kampin bazë të everestit duke rindezur polemikat rreth vendimit të Nepalit për të hapur malin më të lartë të botës për alpinistët. Me aksesin nga ana kineze e everestit, që është i mbyllur për alpinistët e huaj, dhe disa operatorë ekspeditash në anën nepaleze që kanë rritur cmimet, vendimi i nepalit, në mesin e një pandemie globale, është vënë nën kritika. Një alpiniste norvegjeze, Elend Ness, fillimisht mendohej se vuante nga edema pulmonare, një gjendje kjo e lidhur me sëmundjen nga lartësia, dhe u evakuua me helikopter drejt katmandusë, ku ajo rezultoi pozitive për koronavirus. Diagnoza ime është covid 19 – tha ajo. Unë jam mirë tani. Spitali po kujdeset për mua. Ness u evakuua me helikopter dhe u dërgua në spital pasi kishte kaluar kohë në kampin bazë në everest. Mediat norvegjeze raportuan se një sherpa, udhëtregues vendas, kishte rezultuar pozitiv po ashtu/. Ndërsa disa kompani komerciale perëndimore të alpinizmit kanë anuluar itineraret e tyre për këtë vit, për shkak të frikës nga koronavirusi, kompani të tjera, mes të cilave ato të vendosura në katmandu, kanë vijuar me planet për sezonin. Edhe pse nepali insiston se alpinistët qëndrojnë në karantinë para se të nisen drejt everestit, shqetësim është shprehur ga disa vëzhgues për mangësitë e rregulloreve, kjo edhe për faktin se simptomat e covid 19 mund të ngatërrohen lehtë me sëmundjen nga lartësia, sic edhe ka ndodhur me Ness. Ndërkohë që frika është e madhe edhe për pasojat e një infektimi lart në mal.