Shifra rekord si për rastet e reja ashtu edhe për pacientët e shtruar në spital ka raportuar ministria e shëndetësisë për Covid 19. Në 24 orët e fundit janë 319 raste të reja me covid 19 dhe 3 humbje jete, ndërsa numri I pacientëve në spital ka kaluar për herë të parë shifrën 300. Sipas ministrisë së shëndetësisë në 24 orët e fundit janë kryer 1534 testime, nga të cilët kanë rezultuar pozitivë 319 qytetarë të prekur nga virusi SARS-COV2. Tirana vazhdon të jetë me numrin më të madh të rasteve të reja me 141, më pas vijnë Fieri me 38 raste, 15 në Pogradec, nga 13 raste në Elbasan, Kavajë etj. Në 24 orët e fundit janë shëruar 90 qytetarë, duke e çuar numrin e të shëruarve në 11,097 që nga fillimi i epidemisë. Aktualisht në spitalet covid po trajtohen 301 pacientë, 15 në terapi intensive nga të cilët 6 pacientë janë të intubuar. Në 24 oret e fundit, kanë humbur jetën 3 qytetarë me Sars Cov2 pozitiv në 2 spitalet Covid: një 72 vjeçare dhe një 73 vjeçare nga Tirana, si dhe një 81 vjeçare nga Berati, me sëmundje bashkëshoqëruese.