Një tjetër humb betejën me koronavirusin. Mëngjesin e kësaj të hëne ka gjetu vdekjen në Spitalin Infektiv të Tiranës mjeku Hysni Shkjau, i cili nuk e fitoi dot betejën me virusin e rrezikshëm, megjithë përpjekjet e jashtëzakonshme të stafit të infektivit për kolegun e tyre. Doktor Hysni Shkjau, 69-vjeçar, me 40 vite eksperiencë, nuk e kishte ndërprerë punën dhe vijonte të shërbente si mjek familjeje në qendrën shëndetësore Qafë-Mali në Bashkinë Fushë-Arrëz të Pukës. Luftonte prej disa ditësh me COVID 19 në spitalin infektiv dhe gjendja e tij u rëndua si pasojë e vështirësisë në frymëmarrje dhe disa sëmundjeve bashkëshoqëruese. Mjeku Shkjau prej 40 vitesh kishte shërbyer me përkushtim e profesionalizëm për komunitetin e tij. Ai u infektua teksa ishte në kryerjen e detyrës, por pas përkeqësimit të gjendjes, u shtrua në Infektiv, atje ku dhe humbi betejën me coronavirusin. Ministria e Shëndetësisë u rikujton qytetarëve të mos e ulin vëmendjen për zbatimin e rregullave, për të frenuar përhapjen e virusit të rrezikshëm që prek këdo, pa dallim!