Një covid i ri është zbuluar në Kinë, deri më tani bëhet me dije se ashtu si Sars Cov 2, edhe ai mund të transmetohet lehtësisht nga lakuriqët e natës te njeriu. Edhe pse bota e kaloi një pandemi dhe izolim, duket se studimet nuk kanë të sosur në lidhje më variante të tjera të Covid. Një tjetër studim që u drejtua nga virologia Shi Zhengli, e njohur për punën e saj mbi koronaviruset e lakuriqëve të natës në laboratorin e Ëuhan, e cila prej kohësh është nën akuzë për hipotezën e një "arratisjeje" nga laboratori të koronavirusit përgjegjës për pandeminë e pak viteve më parë. Zbulimi i fundit është një pasardhës i Hku5, i identifikuar për herë të parë në një lakuriq nate në Hong Kong në vitin 2006, ndërsa lidhet edhe me Mers-CoV, përgjegjës për sindromën e frymëmarrjes që ka alarmuar Lindjen e Mesme që prej 2012. Virusi, i njohur gjithashtu si HKU5-CoV-2, është një prejardhje e re e koronavirusit HKU5 e zbuluar te lakuriqët japonez të natës në Hong Kong. Testet laboratorike zbuluan se virusi mund të infektojë qelizat njerëzore dhe indet e mushkërive dhe të zorrëve. Ai gjithashtu mund të lidhet me receptorët ACE2 te njerëzit, lakuriqët e natës dhe kafshët e tjera, duke rritur gjasat e transmetimit midis specieve.