Pandemia e koronavirusit pritet t’I japë një goditje të fortë buxhetit të shtetit shqiptar për vitin 2020. Sipas Aktit Normativ të botuar në Fletoren Zyrtare deficiti buxhetor pritet të arrijë në 133 miliardë lekë, më shumë se 1 miliardë euro, ndërsa borxhi publik në 80% të Prodhimit të Brendshëm Bruto. Ministria e Financave ka ndryshuar sërish buxhetin e 2020-s ku të ardhurat priten në rënie të madhe dhe shpenzimet planifikohen të shtohen ndjeshëm Të ardhurat buxhetore në 2020-n pritet që të jenë 447 miliardë lekë, me një rënie të theksuar nga cfarë ishte parashikuar më parë. Nga ana tjetër shpenzimet rriten ndjeshëm në 580 miliardë lekë. Mbështetja e ekonomisë për pasojat e Covid-19, rritja e fondeve rezervë për të papriturat, plani për më shumë shpenzime kapitale dhe fondet për rindërtimin nga tërmeti kanë bërë që planifikimi i shpenzimeve të rritet gati 18% më shumë se një viti më parë. Rënia e të ardhurave dhe rritja e fortë e shpenzimeve pritet ta çojnë deficitin buxhetor në një nivel rekord prej 133 miliardë lekë, ose mbi 1 miliard euro, Pjesa më e madhe e këtij deficiti,, rreth 62% do të financohet nga burime të huaja dhe 38% nga burimet e brendshme.