Deri më 1 shtator nga të dy garancitë sovrane janë miratuar 751 kredi për bizneset me vlerë totale 12.8 miliardë lekë. Kështu deklaroi Kryeministri Edi Rama, teksa theksoi se dy garancitë kanë funksionuar më së miri në mbështetje të sipërmarrjeve e të mbrojtjes së vendeve të punës nga kërcënimi i COVID-19. Kryeministri u shpreh se, “në garancinë e parë sovrane deri më 1 shtator janë miratuar 554 kredi për bizneset për një vlerë në total 6.5 mld lekë. Në garancinë e dytë sovrane deri më 1 shtator janë miratuar 197 kredi nga bizneset për një vlerë në total 6.3 miliardë lekë. Për nevojat e sipërmarrjes në procesin e rimëkëmbjes pas goditjes prej pandemisë së COVID-19, Qeveria shqiptare së bashku me bankat e nivelit të dytë, po zbatojnë 2 instrumente të garancisë sovrane. Shifrat janë bërë publike në faqen zyrtare të kryeministri Rama në rrjetin social facebook, në të cilën përvec urimit shkruan se me këto të dhëna mbi 2 Garancitë Sovrane që ndryshe nga çfarë u trumpetua prej atyre që dinë vetëm të nxijnë e të helmojnë miletin, kanë funksionuar më së miri në mbështetje të sipërmarrjeve e të mbrojtjes së vendeve të punës nga kërcënimi i COVID-19, ju uroj një ditë të mbarë”.