Situata e rënduar prej pandemisë së koronavirusit ka ndezur këtë fillim jave edhe debatin politik. Kryeministri Edi Rama dhe kreu I opozitës Lulzim Basha kanë debatuar nëpërmjet rrjeteve sociale për masat që po merr qeveria për të përballuar pandeminë e Covid 19. Ka qenë fillimisht kreu I Partisë Demokratike ai sulmuar Ramën duke e akuzuar se qeverisë I ka dalë situata nga kontrolli. ‘Numri i të sëmurëve nga Covid-19 po rritet përditë, fatalitetet po shtohen dhe kapacitetet shëndetësore po shkojnë drejt kolapsit. Rama ka humbur kontrollin mbi pandeminë, megjithëse vala e dytë ishte paralajmëruar. Po të na kishte dëgjuar, qeveria do kishte marrë masat e duhura. Në vend të llafeve, sot më shumë se kurrë duhen vendime dhe veprime të shpejta për të rritur testimet dhe fonde për të ndihmuar të sëmurët, shëndetësinë dhe ekonominë. Asgjë nuk është më e çmuar se jeta e njerëzve!’, ka shkruar Bashan ë një postim në twitter. I menjëhershëm ka qenë reagimi nga ana e kreut të qeverisë I cili disa minuta më pas I është përgjigjur kryedemokratit.