Ambasada gjermane ka paralajmëruar qytetarët e saj se nëse udhëtojnë drejt Shqipërisë kur të kthehen në Gjermani do t’iu duhet të vetëkarantinohen 14 ditë. Ambasada sqaron në njoftimin e saj se Shqipëria është një vend me rrezikshmëri të lartë të COVID-19 ndaj duhen shmangur udhëtimet e panevojshme dhe se rregulli I karantimit për udhëtarët që kthehen nga Shqipëria vlen deri më 31 gusht të këtij viti. Ambasada gjithashtu thekson për qytetarët gjermanë se duhet të marrin në konsideratë që në Shqipëri nuk garantohet një kujdes shëndetësor sipas standardeve gjermane dhe se ka mundësi të kufizuara të testimit për Covid-19. Në njoftim sqarohet se menjëherë sapo të kthehehen në Gjermani qytetarët janë të detyruar të lajmërojnë insitucionin kompetent shëndetësor në vendin e banimit apo qëndrimit dhe pavarësisht se janë shtetas gjermanë apo jo duhet të t’i nënshtrohen një vetë-izolimi/karantine shtëpiake prej 14 ditësh.