Një numër rekord rastesh të reja me virusin e Covid 19 janë shënuar në vendin tonë. Ministria e Shëndetësisë raporton se janë kryer 1378 testime në 24 orët e fundit, nga të cilët kanë rezultuar pozitivë 311 qytetarë të prekur nga virusi SARS-COV2. Tirana vazhdon të jetë me numrin më të madh të rasteve të reja me 100, më pas vijnë Fieri me 66 raste, Durrësi me 32, Mallakastra me 17, Vlora 14 etj. Fatkeqësisht në 24 orët e fundit 6 qytetarë kanë humbur jetën nga koronavirusi. Kështu kanë humbuj jetën një 53 vjeçar nga Fieri, një 59 vjeçar dhe një 61 vjeçare nga Prrenjasi, një 61 vjeçar nga Korça, një 65 vjeçare nga Tirana, një 80 vjeçar nga Elbasani me sëmundje bashkëshoqëruese. Fatmirësisht janë shëruar 85 qytetarë, duke e çuar në 10,893 numrin e të shëruarve në vend që prej fillimit të epidemisë. Numri I rasteve aktive me virusin e covid 19 në vendin tonë aktualisht ka shkuar në 8,654. Gjithashtu situata mbetet kritike edhe për numrin e madh të pacientëve të shtruar në të dyja spitalet Covid. Aktualisht në spitalin Infektiv dhe “Shefqet Ndroqi” po trajtohen 289 pacientë, 11 në terapi intensive nga të cilët 5 pacientë janë të intubuar.