Gjykata Kushtetuese e Kosovës shpalli si antikushtetues ligjin që u vendos çmim tavan produkteve të shportës. Ligji, i miratuar me 634vota pro në nëntor të vitit të kaluar nga ana e Kuvendit të Kosovës parashikonte që në situata të veçanta, siç ishte ajo e pandemisë qeveria mund të ndërhynte në vendosjen e çmimeve tavan për një grup produktesh, që konsideroheshin themelore. Produktet themelore sipas ligjit të shfuqizuar tashmë nga Kushtetuesja ishin drithërat, mielli i grurit, buka, orizi, pastat, vaji ushqimor i lulediellit, qumështi, kripa e kuzhinës, vezët e pulës, mishi i pulës, sheqeri kristalor, produktet e higjienës personale dhe lëndët e drurit për djegie. Por, opozita e kundërshtoi masën, duke deklaruar se ligji do të godasë bizneset që do të detyrohen të shkurtojnë vendet e punës dhe tkurrin investimet.