Një 25 vjecar dyshohet se ka sulmuar një kopsht fëmijësh në provincën Guangdong në Kinë, të hënën, duke vrarë gjashtë persona e duke plagosur një. E kjo ka bërë që të ndizet shqetësimi për dhunën kundër fëmijëve në shkolla atje. Mediat lokale raportuan se autori ishte i armatosur me një thikë. I dyshuari sipas policisë ëhstë arrestuar. Disa media, raportuan se mes viktimave ka edhe fëmijë. Krimet e dhunshme janë të rralla në kinë për shkak të ligjeve strikte për armët e zjarrit dhe masave të larta të sigurisë. Por incidentet me thika në parashkollorë, vitet e fundit, kanë rritur shqetësimet për sigurinë në shkolla. Lajmi më i fundit ka ndezur edhe debate emotive në platformat e mediave sociale. Diskutimi mbi ngjarjen ishte dominues. Disa përdorues të mediave sociale kërkonin që i dyshuari të dënohej me vdekje. Të tjerë bënin pyetje për sigurinë në shkolla.