Tetë persona janë vrarë dhe shumë të tjerë janë plagosur në një sulm në qytetin amerikan të Indianapolisit. Dëshmitarët dëgjuan të shtëna armësh në një ndërtesë të FedEx dhe thanë se kishin parë një burrë me një armë automatike që qëllonte. Personi i armatosur u tha se kishte vepruar i vetëm dhe raportohet se ka vrarë veten po ahstu. Autoritetet ndërkohë siguruan publikun se nuk kishte më kërcënim për sigurinë e tyre. Policia tha se disa të plagosur ishin dërguar në spital. Fluturimet nga aeroporti i afërt ndërkohë nuk u prekën. “Ndërsa oficerët e policisë mbërritën në vendngjarje ata u përballën me një agresor të armatosur:, tha një zëdhënës i policisë. “Pas kërkimit fillestar në zonë, lokalizuam tetë persona në vendngjarje me plagë nga armë zjarri, të cilët u shpallën të vdekur në vendngjarje”. Disa të tjerë ndërkohë janë lënduar dhe janë transportuar në spitalet lokale – shtoi ai. Zëdhënësi nuk dha detaje të motivit që e kishte shtyrë autorin të ndërmerrte sulmin. Një deklaratë nga FedEx tha se kompania ishte në dijeni të ngjarjes dhe se po bashkëpunonte me autoritetet. Javën e kaluar, presidenti Joe Biden njoftoi hapat e parë të tij që kur u ngjit në detyrë për të forcuar kontrollin mbi armët pas një serie sulmesh masive. Plani i tij përfshin edhe përpjekjet për të vendosur rregulla për disa armë të caktuara, kontrolle më të forta për blerësin etj.