Përmbytjet në jug dhe perëndim të SHBA-së kanë marrë 18 jetë njerëzish dhe kanë zhytur nën ujë shtëpi dhe rrugë. Ekipet e shpëtimit po punojnë për të mbrojtur komunitetet ndërsa niveli i ujit rritet. Lumenjtë janë tejmbushur dhe përmbytjet janë intensifikuar në të gjithë rajonet jugore dhe perëndimore të SHBA-së, duke kërcënuar komunitetet tashmë të lodhura nga ditë të tëra me reshje të dendura dhe erë, duke marrë jetën e të paktën 18 njerëzve. Edhe pse shiu ka filluar të ndalet në disa nga zonat më të prekura në Arkansas, Tenesi dhe Kentaki, nivelet e ujit vazhdojnë të rriten në komunitete të ndryshme, duke përmbytur shtëpi dhe biznese dhe duke zhytur nën ujë rrugët. Në Kentaki, ekipet e shpëtimit kanë lundruar në rrugët e përmbytura me gomone për të kontrolluar dhe ndihmuar banorët. Për më tepër, janë ngritur barriera me thasë rëre për të mbrojtur shtëpitë dhe bizneset, ndërsa shërbimet janë mbyllur pasi niveli i ujit në lumin Kentaki vazhdon të rritet.