Shpenzimet ushtarake globale u rritën me pothuajse 3% në vitin 2025, të nxitura kryesisht nga shpenzimet në rritje të mbrojtjes në Evropë dhe Azi, sipas një raporti të publikuar të hënën nga një grup i njohur mbikëqyrës i armëve. Shpenzimet e mbrojtjes evropiane u rritën me 14% nga viti 2024, në 864 miliardë dollarë, dhe në Azi e Oqeani rritja ishte 8.1%, në 681 miliardë dollarë, tha Instituti Ndërkombëtar i Kërkimeve për Paqen i Stokholmit, SIPRI, në raportin e tij vjetor. Në përgjithësi, pothuajse 2.9 trilionë dollarë u shpenzuan për programe ushtarake në të gjithë botën në vitin 2025, një rritje prej 2.9% nga një vit më parë. Shifra përfaqëson 2.5% të produktit të brendshëm bruto të botës, është përqindja më e lartë që nga viti 2009, sipas SIPRI. SHBA-të, Kina, Rusia, Gjermania dhe India ishin shpenzuesit më të mëdhenj, duke zënë së bashku 58% të shumës globale.