Tre efektivë të Forcës “Shqiponja” janë vendosur nën akuzë pasi dyshohet se tentuan të vrisnin dy person gjatë kohës që ishin në krye të detyrës. Për njërin prej policëve gjykata ka caktuar masën e sigurisë Arrest me Burg pasi akuzohet për vrasje me dashje mbetur në tentativë, falsifikim dokumentash dhe Kallëzim I rremë, ndërsa për dy kolegët e tij detyrim paraqitje. Patrulla sipas Agjenisë së Mbikqyrjes policore, më datë tetë mars 2024 gjatë kryerjes së shërbimit në segmentin rrugor Tiranë–Fushë Krujë, ka ndaluar një automjet dhe gjatë veprimeve policore, në tejkalim të kushteve të mbrojtjes së nevojshme, kanë qëlluar me armën e shërbimit në drejtim të tij, duke vënë në rrezik jetën e dy personave që ndodheshin në mjet. Në vijim, krahas mos-raportimit të ngjarjes tek strukturat eprore, ata kanë tentuar të fshehin provat dhe faktet. Rasti u zbulua pas denoncimit të bërë në polici. Lidhur me rastin, vijojnë hetimet ndërsa po punohet për kapjen e efektivit.