Këtë të enjte ishte radha e reperit Kleviol Ahmetit të paraqitej në GJKKO, në cilësinë e dëshmitarit në seancën e bandës së Laert Haxhiut. Ahmetaj, njohur edhe me emrin Cllevio do të dëshmonte,pas rrëfimit të të penduarit te drejtësisë Artan Tafni i cili zbuloi se tritoli ndaj këngëtarit Rigels Rajkut ishte vendosur me urdhër të Laert Haxhiut, pas konfliktit mes dy këngëtarëve në rrjetin social “TikTok”. Por seanca u shty. Këngëtari dha një koment para mediave në SPAK, ku tha se edhe ai është palë e dëmtuar. Në seancë duhej të dëshmonte edhe reperi tjetër, Rigles Rajku i njohur si Noizy, lidhur me tritolin e vendosur më 8 qershor 2022 në bizneset e babait të tij në Durrës. Të dy artistët janë në mesin e dhjetra dëshmitarëve të thirrur nga mbrojtja e Haxhiut, i cili po gjykohet si kreu i një grupi kriminal. Në seancën e 14 majit, Artan Tafani tregoi me detaje sesi e mori dhe ekzekutori urdhrin e Laert Haxhiut për të dëmtuar bizneset e Noizyt. Ky i fundit nuk ka dëshmuar ende, ndërsa dëshmoi babai i tij, Bashkim Rajku ku tha se tritoli mund të jetë vendosur për çështje xhelozie për karrierën e të birit. Mësohet se Kleviol Ahmetaj ka shprehur dëshirën që të dëshmojë më 10 qershor për shkak të angazhimeve personale, ndërsa gjyksta vendosi 3 qershorin për seancën e radhës për shkak të mungesës së avokatëve.