Në seancën e kësaj të mërkure ndaj Laert Haxhiut dhe anëtarëve të bandës së tij u mor në pyetje rreperi, Kleviol Ahmeti, njohur me emrin e artit si Kllevio. Ahmeti tha se nuk njihte asnjë prej të pandehurve të tjerë, me përjashtim të Laert Haxhiut, për të cilin ritheksoi se janë rritur bashkë dhe kanë shtëpitë në të njëjtën lagje në Lushnje. Reperi dhe edhe variantin e tij të nisjes së sherrit me Rigels Rajkun, njohur me emrin Noizy. “Ai ishte muzikant i njohur dhe unë kam qenë muzikant i panjohur. Ky Rigles Rajku, për të marr famë shante Viktor Palokën, i njohur si Unikatili. Ne kur na shante Noizy ishim në Amerikë. Pas 15-20 viteve ia kthej edhe unë muzikën duke sharë Noizyn. Kur dola në 2020 doja të bëhesha i famshëm dhe fillova ta ngacmoj në mënyrë artistike, që quhet DIS. Kur bëra këngën u bëra i famshëm dhe po më pëlqente”, tha ai.