29 nëntori është pika ku ndahen dy aleatët politikë, Sali Berisha dhe Ilir Meta. Nga burgu Meta uroi shqiptarët për 80 vjetorin e çlirimit, teksa ish kryeminsitri Sali Berisha në një shkrim të gjatë, shpjegon se sipas tij, dita e çlirimit është falsifikuar nga Enver Hoxha me urdhër të Beogradit. Sipas Berishës, diktatori njëherësoi ditën e çlirimit të Shqipërisë me festën kombëtare të federatës së jugosllavisë. Grafik Berisha: “Enver Hoxha falsifikoi edhe këtë datë, për ta njësuar këtë festë, jo me ditën e Çlirimit, por me festën kombëtare të Federatës së Jugosllavisë, me ditën e shpalljes së saj në Jajce, më 29 nëntor të vitit 1943. Pra, ai falsifikoi datën e Çlirimit në mënyrë që, pas bashkimit të Shqipërisë si republika e 7-të me Federatën e Jugosllavisë, të festonin edhe shqiptarët më 29 nëntor, së bashku me republikat e tjera. Mirëpo, mjerisht, ende sot e kësaj dite, ka shqipfolës që, në shembullin e Edi Ramës, argatit të Beogradit, apo Pashiqit të Tiranës, vazhdojnë të kenë si Mekë Beogradin.” Berisha vijon reagimin e tij, duke kritikuar politikën e jashtme të ndjekur nga Shqipëria gjatë viteve të qeverisjes së Edi Ramës.