Kryeministri Edi Rama së bashku me Kryetarin e Bashkisë së Elbasanit Gledian Llatja kanë inspektuar punimet në kantierin e automotoparkut të Elbasanit, që është edhe cirkuiti i parë motosportiv shqiptar. Kryeministri theksoi se “duhet të ecim shumë fort që në 2026-ën të mbarojë ky projekt.” “Cirkuiti i Formula Uno, nëse ne do ta kemi gati në 2027 për garën e parë, duhet që ne nga ana jonë ta shohim, jo thjeshtë nga pikepamja teknike dhe nga pikëpamja e parametrave që ka vet Cirkuiti, por dhe nga pikëpamja e peizazhit sepse është një promovim shumë i madh për Shqipërinë. Kështu që, duhet bërë paralelisht një projekt për gjithë sistemimet rreth e rrotull që imagjinohet që janë pjesë e imazhit të kamerave. Që do të thotë që edhe për shtëpitë rreth e rrotull, edhe për peizazhin, për kodrat per të gjitha, për mbjellje pemësh, për konsolidim të imazhit të fasadave, për të krijuar një pamje që të jetë e gjitha një pamje e një vendi tërheqës.