Një ditë pas faktit të kryer, Bashkimit edhe në organet drejtuese të partisë, të Gazmend Bardhit dhe ish-kryeministrit Berisha, për Lulzim Bashën vjen një tjetër lajm i keq. Ndonëse ende jo i konfirmuar zyrtarisht, por burime pranë Gazment Bardhit dhe Partisë Demokratike zyrtare, flasin për negociata me 2 prej deputetëve të ngelur të Lulzim Bashës, për kalimin e tyre në krah të Bardhit e Berishës. Por teksa hamendësohet se cilët mund të jenë këto deputetë, Oriela Nebiaj, rezulton si një prej atyre me potencial për tu afruar me Bardhin. Nebiaj në mbledhjen e kryesisë së PD-së së Bashës më 7 qershor do të ishte kundër rikthimit të këtij të fundit. Pas sherrit dhe debatit në kryesi por edhe dhunës verbale nga mbështetësit e Lulzim Bashës ndaj zërave kritikë në mbledhje, Oriela Nebiaj do të jepte dorëheqje nga posti i anëtares së Kryesisë, së bashku me Flamur Hoxhën, i cili tashmë është zyrtarisht me Bardhin e Berishën. Nga ana tjetër, vetë Nebiaj ka qenë e pa qartë për qëndrimin e saj, teksa ka kërkuar bashkimin e demkratëve. Një tjetër emër është ai i Eralda Tase Bano, e cila burime bëjnë me dije se ka patur pakënaqësi për Fierin dhe mënjanimin e saj nga strukturat drejtuese, por edhe për faktin se ka qenë gjithmonë pranë Gazment Bardhit. Por pavarësisht kësaj, protesta e 20 shkurtit mund të jetë ajo që do të konfirmojë dyshimet, apo të tregojë afrimet apo largimet e reja. Kjo për shkak se Basha është shprehur i vendosur kundër saj duke e konsideruar thjeshtë si matje force.