Greqia po përgatitet të goditet nga një ciklon i rrallë mesdhetar. Zëvendës ministri i mbrojtjes civile, nikos hardalias, paralajmëroi për një fushë presioni barometrik të ulët që fillon pasditen e të enjtes në perëndim. Cikloni, i quajtur Ianos, do ti afrohet brigjeve perëndimore greke mëngjesin e të premtes. Shpejtësia maksimale e erërave të enjten ishte rreth 90 km në orë. Ianos do të shkaktojë reshje të dendura shiu që do të arrijnë në 400 mm në disa zona, cka mund të rezultojë edhe me përmbytje. Ekziston edhe rreziku i zhvillimit të tornadove. “Ne po përgatitemi që të përnallemi me një fenomen të rrallë moti ekstrem”, tha Hardalias, duke shtuar se qytetarët që jetojnë në rajonet më të predispozuara të preken nga moti i keq duhet të kufizojnë lëvizjet. Ianos do të godasë fillimisht ishujt Zante, Kefalonia dhe Itaka për të vijuar më tej drejt ishujve ilia dhe mesinia, në gadishullin e peloponezit ku ekspertët parashikojnë erëra shkatërrimtare. “Ciklonët mesdhetarë janë një fenomen relativisht i rrallë që është hasur në greqi për herë të parë në 1995 por që janë intensifikuar dhe janë bërë më të shpeshtë në rajonin e mesdheut për shkak të ndryshimeve të klimës”, shtoi Hardalias. Ky fenomen i motit formohet në të njëjtën mënyrë dhe ngjan me ciklonët tropikalë, si ata të parë në SHBA, por janë më të dobët, zakonisht më jetëshkurtër dhe më të vogël në përmasa se ciklonët tropikalë.