E nominuara demokrate për presidente, Kamala Harris, dhe kandidati i saj për zëvendëspresident, guvernatori i Minesotës, Tim Ëalz, u shfaqën për herë të parë së bashku në fushatë, në Filadelfia. Në fjalimin e tij para një turme prej më shumë se 10.000 personash në Universitetin Temple, Ëalz tregoi për fëmijërinë e tij në një qytezë të vogël në Nebraska, për shërbimin e tij 24-vjeçar në Gardën Kombëtare Ushtarake dhe për karrierën e tij si mësues në një shkollë të mesme dhe trajner futbolli. Gjatë fjalimit, ai po ashtu kritikoi të nominuarin republikan për president, Donald Trump, dhe kandidatin e tij për zëvendëspresident, senatorin JD Vance. “Ai tallet me ligjet tona, ai mbjell kaos dhe ndarje”, tha Ëalz për Trump. “Ai u ngrit gjatë krizës së COVID-it, rrënoi ekonominë tonë ndërkohë që edhe numri i krimeve të dhunshme ishte i lartë gjatë mandatit presidencial të Donald Trump. Le të mos i numërojmë pastaj krimet që ai ka kryer”, shtoi Ëalz.