Është eventi meteorologjik më intensiv i 2023-shit, sipas ekspertëve. Bëhet fjalë për stuhinë Ciaran që është krijuar pas përplasjes mes masave të ftohta të ajrit dhe atyre të ngrohta në perëndim të atlantikut. Cikloni ka përfshirë një pjesë të madhe të evropës, duke shkaktuar kaos dhe viktima, e duke sjellë erëra me shpejtësi 120 kilometra në orë, det të trazuar dhe rrebeshe të frikshme shiu. Ciaran, pasi gjunjëzoi italinë, francën, britaninë dhe vende të tjera, po ndjehet tani edhe në shqipëri. Sipas ekspertëve, stuhia lind për shkak të përplasjes mes masave të ftohta të ajrit dhe atyre të ngrohta, me këto të fundit që ekzist9onin që më herët. Kontrasti mes masave të ajrit me origjinë dhe natyrë të ndryshme bën që të shkaktohet destabilitet atmosferik duke nxitur lëvizjet e ajrit që i lënë vendin reshjeve. Në rastin e stuhisë Ciaran, destabiliteti atmosferik është përforcuar edhe nga temperaturat në det që është ekstremisht i nxehtë. Pra, kjo është ajo që është përplasur mbi evropë. Përvec reshjeve të dendura të shiut dhe erës së fortë, në të gjitha vendet e mesdheut dhe në vecanti në spanjë e francë, por edhe në vendet e gadishullit skandinav dhe në ballkan, Ciaran po shoqërohet edhe me det të trazuar dhe kushte ekstreme të motit. Italia fqinje ka shpallur tashmë emergjencën për motin e keq dhe ka mbyllur shkollat në disa rajone. Ekspertët thonë se stuhia Ciaran pritet të zbutet mes të dielës dhe të hënës por jo para se të ketë treguar qartë gjithë fuqinë e saj.