14 persona presin të ulen në bankën e të akuzuarve në Francë për sulmin terrorist të përpara pesë viteve ndaj gazetarëve të revistës satirike Charlie Hebdo. Shumica e personave të akuzuar për bashkëpunim në ngjarjen që ndryshoi vendin do të jenë në sallë, ndërsa tre do të gjykohen në mungesë. Mbi ta rëndon akuza se kanë ndihmuar dy agresorët islamikë të cilët qëlluan për vdekje 12 persona në zyrat e revistës janarin e vitit 2015. Një militant i tretë vrau një police dhe sulmoi një supermarket hebre. Brenda tre ditëve që terrorizuan vendin, u vranë 17 persona. Këto vrasje shënuan fillimin e një vale sulmesh xhihadiste në Francë, të cilat morën gjithsej 250 jetë. Redaksia e “Charlie Hebdo” u largua nga adresa e mëparshme, sot ajo ndodhet në një vend të paditur për publikun.