Nuk ka humor, jemi anglezë. Nuk e kanë marrë aspak me pozitivitet në londër karikaturën në faqen e parë të të pëerjavshmes satirike franceze Charlie Hebdo ku shihet mbretëresha elisabetë që shtrin në tokë bashkëshorten e princit Harry, me gjurin mbi qafën e saj si në rastin e afro amerikanit George Floyd, të vrarë nga një agjent policie në Minneapolis. “Përse Meghani u largua nga pallati Buckingham”, shkruhej nën karikaturë, dhe përgjigjia kujton edhe fjalët e fundit të George Floyd: Sepse nuk mund të merrte më frymë. Dhe ky ishte një reagim në stilin e charlie hebdo ndaj intervistës në të cilën Meghan thoshte se kish menduar edhe vetëvrasjen për shkak të mënyrës se si trajtohej në oborrin mbretëror. Nga takimi me Oprah Ëinfreu kanë dalë po ashtu edhe akuza për racizëm në adresë të mbretërorëve britanikë. Por, shtypi konservator britanik ka reaguar me zemërim ndaj Charli Hebdo, i famshëm për karikaturat e profetit mohamed. Madje kritika kanë ardhur edhe nga organizata që luftojnë kundër racizmit. Sipas një sondazhi të YouGov, popullariteti i princit Harry dhe i bashkëshortes së tij ka rënë në mbretërinë e bashkuar pas intervistës. “Charlie Hebdo është një fallsitet në të gjitha nivelet”, ka shkruar në tëitter Halima Begum, presidente e grupit të reflektimit mbi luftën kundër racizmit, Runnymede Trust.