Debati që kërkon të hapë deputetja Elisa Spiropali brenda radhëve të Partisë Socialiste synon përqëndrimin në disa shtylla kryesore. Së pari, hapjen e partisë dhe rikthimin e garës dhe zgjedhjeve brenda saj, përfshirë këtu edhe për postin e kryetarit. Spiropali - Partia Socialiste të bëhet partia më demokratike në Shqipëri. Demokracia që kërkojmë për shtetin duhet të fillojë nga vetë organizimi ynë politik. Të garantojë zgjedhje të lira, konkurruese dhe periodike në çdo nivel të organizimit. Asnjë funksion nuk duhet të jetë i përhershëm dhe asnjë përgjegjësi nuk duhet të jetë e pakonkurrueshme. Të rikthejë debatin si kulturë politike, larg personalizimit ekstrem dhe vendimmarrjeve të mbyllura. Partia Socialiste angazhohet të forcojë dallimin mes organizimit politik dhe administratës shtetërore. Administrata duhet t’i shërbejë ligjit dhe qytetarëve, jo cikleve politike apo individëve me pushtet. Ky është kusht për një shtet modern dhe për një demokraci të besueshme. Së dyti, ndryshim të sistemit zgjedhor, rikthim të përfaqësimit të qytetarëve në Kuvend, forcim i kontrollit të Kuvendit ndaj qeverisë dhe