Ndërsa "operacioni special ushtarak" i Rusisë vazhdon në Ukrainë , Presidenti Vladimir Putin është duke vënë bast për një armë më të fuqishme se raketat e ofruara nga SHBA-ja dhe Evropa: armën kohës. Gati pesë muaj pas fillimit të pushtimit më 24 shkurt, Rusia shpreson se vendosmëria perëndimore do të lëkundet përballë krizës energjie dhe ushqimore të nxitur nga lufta. Zyrtarët rusë dhe kanalet shtetërore po festojnë hapur rënien e kryeministrit britanik Boris Johnson dhe homologut të tij italian Mario Draghi, duke paraqitur dorëheqjet e tyre si rezultat i sanksioneve "vetëshkatërruese" të vendosura ndaj Rusisë. Cili lider perëndimor, pyesin ata, do të jetë i pari që do të bjerë? Putin, i cili mbush 70 vjeç në tetor, njoftoi këtë muaj se sapo kishte filluar luftën e tij në Ukrainë. Ai madje sfidoi SHBA-në që të përpiqet të mposht Moskën