Një mosmarrëveshje e ashpër rreth kushteve për arritjen e një marrëveshje që do të sillte lirimin e pengjeve dhe armëpushimin në Gaza shpërtheu mes kryeministrit Izraelit Benjamin Netanyahu dhe ministrit të mbrojtjes Yoav Gallant gjatë një mbledhjeje të kabinetit izraelit të sigurisë të enjten mbrëma, sipas raporteve të shumta në mediat izraelite. Të dy zyrtarët, raporton CNN, debatuan me tone të ashpëra pasi ministri i mbrotjjes e aakuzoi Netanyahun oasi ka nxitur mosmarrëveshjet me Hamas pas arritjes së pakit të parë të armëpushimit duke vendosur trupat ushtarake përgjatë kufirit mes Gazës dhe Egjiptit. Po ashtu ai ngriti pretendimin se kryeministri po ushtron presion mbi negociatorët në Kajro duke u imponuar atyre kushtet që duhet të prezantojnë. Por këto pretendime u hodhën poshtë nga kryeministri izraelit. Reagim që solli dhe kundërpërgjen tjetër të ministrit Gallant që shtoi se pas shpërndarjes së kabinetit të luftës çdo gjë po kontrollohet nga Netanyahu. Qëndrime që morën mbështetjen edhe të shefit të shtabit të përgjithshëm Herzi Haevi, i cili ishte pjesë e mbledhjes. Ai raportohet të ketë thënë se IDF mund të tërhiqet nga korridori dhe të kthehet “në fund të gjashtë javëve të armëpushimit. Ka mjaft kufizime për negociatat, nuk ka nevojë të shtohet një tjetër.” Sipas rrëfimeve të publikuara, Gallant tha në një moment se “kryeministri me të vërtetë mund të marrë të gjitha vendimet, dhe ai gjithashtu mund të vendosë të vrasë të gjithë pengjet”, duke provokuar qortime nga ministrat e tjerë. Ai shtoi se “30 jetë janë në rrezik”. Gallant shtoi se "në fund Sinëar do t'ju diktojë dhe ju do të tërhiqeni", një referencë për liderin e Hamasit, Yahya Sinëar, i cili mendohet të jetë i fshehur në Gaza. Netanyahu në përgjigje thuhet se insistoi se askush nuk i diktoi atij, duke thënë se "vetëm negociatat e vendosura do ta bëjnë Sinëar të dështojë".