Përplasjet e krijuara mes Gjyqësorit dhe ekzekutivit për çështjen e pagave, për kryeministrin Edi Rama janë jo vetëm shqetësuese por kanë krijuar sipas tij dhe atmosferë të shëmtuar e vulgare. Në një komunikim në Facebook, kreu i qeverisë ndërsa udhëtonte drejt Beratit, e kritikoi ashpër veprimin e ndërmarrë nga magjistratët për rritjen e pagave. gjëja e parë që iu vajti ndërmend ishte që t’i dilnit përballë dhe ta sfidoni me një formë kaq brutale “vetë Zot, vetë shkop”? Po pse, çfarë jeni ju, partia e “çekiçave”, ato çekicat për çfarë i keni? Për parti? Për luftë politike dhe për të dalë e për të kërcënuar autoritetet kushtetuese dhe politike të Republikës së Shqipërisë? Për të kërcënuar ministrin e Financave? Për të kërcënuar drejtorët e Thesarit të Republikës së Shqipërisë? Pse, ça janë ata? Roje magazinash pa zot? Sipas Ramës edhe pse ekzekutivi mund të mos binte dakord, por kjo mosdakordësi duhej të trajtohej në mënyrë të civilizuar. Boll është trajtuar e trajtohet mosdakordësia në mënyrë të paqytetëruar mes partive politike. Po çfarë, ku jemi këtu? U shtua dhe një parti politike tjetër tani që do “nxjerrë dhëmbët” e do skërmitet nëpër mediat e Shqipërisë për të marrë lekë? Për rroga? Për t’i shumëfishuar pagat e veta krahasimisht me të gjithë të tjerët, edhe për t’i çuar ato me diferencë nga gjithë rajoni e për të shkuar në nivelet e vendeve më të zhvilluara të Bashkimit Evropian? Kështu tak-tak, “hajde se ka para Thesari i shtetit, hapeni të marrim ne tonat”, pastaj punë e madhe shumë se çfarë bëhet me të tjerët, ëë? Po ku jemi këtu, si u bëka kjo punë?