Çmimet në eurozonë janë rritur si asnjëherë më parë – në korrik rritja ishte 8,9 përqind krahasuar me verën e vitit 2021. Në Gjermani dinamika e rritjes është paksa më e zbutur nga ndërhyrja e shtetit duke shënuar kuotën e 7,5 përqind. Por pavarësisht skontos për çmimin e karburantit dhe aplikimit të abonesë mujore prej 9 eurosh për shërbimin e qarkullimit urban, në shtator duhet të rriten edhe pagat. Shumë sektorë të shërbimeve do të detyrohen që koston e energjisë ta reflektojnë me rritjen e çmimit për shërbimet. Këtyre u shtohen edhe shlyerjet e detyrimeve të kostove të objekteve për vitin në vazhdim gjatë vitit të ardhshëm, kur qiramarrësit të dërgojnë faturat për vitin 2022. Pra në përfundim mund të thuhet se nuk ka shenja për përmirësim. Edhe çmimet e prodhimit do të rriten ndjeshëm. Dhe shkak kryesor është rritja e kostos së energjisë që krahasuar me një vit më parë është ngritur me 105 përqind. Gazi natyror është 164 përqind më i shtrenjtë se një vit më parë, energjia elektrike 125 përqind më e shtrenjtë dhe çmimi për produktet minerare është rritur gati 42 përqind. E nëse përllogariten të gjitha këto së bashku, rezulton që rritja e çmimit të produkteve është plot 14 përqind. Ekonomistët madje presin edhe një rritje të mëtejshme të cmimeve, me nëntë apo edhe më shumë përqind.