“Izraeli dhe Irani nuk e dinë se çfarë dreqin po bëjnë”. Këto ishin fjalët e fundit me të cilat Donald Trump mbylli paralajmërimin e tij për dy vendet që të respektojnë armëpushimin e diktuar prej SHBA. Mesazhi u mor edhe në Tel Aviv. Pak pak kësaj deklarate të Trump, zyra e Benjamin Netanyahut tha se kishte tërhequr avionët e nisur për bombardime në Teherani, ku këtë herë u godit vetëm një rrjet radarësh në kryeqytetin e Iranit. Izraeli fajësoi Iranin për shkelje të armëpushimit të vendosur në orën 07:00 të mëngjesit me orën lokale, ndërsa Irani mohoi një akuzë të tillë dhe paralajmëroi Izraelin se do të hakmerret në rast vijimi bombardimesh në Teheran. Pas një telefonate me Donald Trump, ushtria izraelite tha se “u përmbajt nga sulme të mëtejshme”. Tërheqja u konfirmua edhe nga Presidenti amerikan, që shkroi në rrjetet sociale se avionët izraelit kishin kryer vetëm një fluturim miqësor mbi Iran.