Një ditë pas Kuvendit të 11 dhjetorit të thirrur nga delegatët dhe pas vendimit të Kryesisë së PD për shkarkimin e dhjetëra zyrtarëve, ka reaguar ish-kryeministri Sali Berisha. Nëpërmjet një postim i në rrjetet sociale, Berisha ka ftuar të gjithë demokratët dhe simpatizantët që të bëhen bashkë në selinë e Partisë Demokratike, teksa shprehet se tashmë nuk është më koha e dyshimit por veprimit. “Kohet e fundit kane qene te mundueshme dhe te veshtira per Partine Demokratike. E di qe shume prej jush kane dyshuar, ndoshta edhe jane trembur per shkak te fushates se fuqishme lincuese qe eshte mbajtur kunder personit tim dhe levizjes se Foltores. Sot nuk eshte me koha e dyshimit, sot eshte koha e veprimit. Ju pres te gjitheve ne shtepine e kontributeve, sakrificave dhe idealeve tone te perbashketa, Partine Demokratike, per te vazhduar betejen kunder te keqes qe ka mberthyer Shqiperine tone te dashur”, shkruan ndër të tjera lideri historik i Partisë Demokratike. Nuk dihet nëse kjo është thjeshtë një retorikë e z.Berisha, apo do të ketë një tubim të demokratëve që këtë të dielë. Kujtojmë se Lulzim Basha do të mbledhë Këshillin Kombëtar, ku priten një sere shkarkimesh e përjashtimesh për shkak të mos respektimit të vendimit të Kryesisë për thirrjen e Kuvendit Kombëtar më 18 dhjetor.