Kryeministri në detyrë, Albin Kurti ka ftuar në takim liderët e tri partive, Partisë Demokratike të Kosovës, Lidhjes Demokratike të Kosovës, dhe, Aleancës për Ardhmërinë e Kosovës në lidhje me çështjen e presidentit. Ftesa e Kurtit ndaj lidërve të tri partive, vjen një ditë pas certifikimit të rezultatit të zgjedhjeve të parakohshme parlamentare të 7 qershorit. Kryeministri në detyrë kishte paralajmëruar edhe më parë se do t’i ftonte në takim krerët e partive pas certifikimit të zgjedhjeve. Në anën tjetër, ushtruesja e detyrës se presidentes, Albulena Haxhiu ka njoftuar se seanca konstituive e Kuvendit do të thirret brenda afatit kushtetues, brenda 30 ditësh, duke hapur rrugën për themelimin e institucioneve të reja. Në zgjedhjet e 7 qershorit, Lëvizja Vetëvendosje siguroi 53 ulëse në Kuvend, Partia Demokratike e Kosovës doli e dyta me 22 mandate, Lidhja Demokratike e Kosovës me 18, ndërsa Aleanca për Ardhmërinë e Kosovës ka marrë shtatë deputetë.