Agjencia Ndërkombëtare e Energjisë Atomike nën Organizatën e Kombeve të Bashkuara paralajmëroi për një kërcënim të mundshëm bërthamor, për shkak të rritjes së intensitetit të luftimeve pranë centralit më të madh bërthamor në Evropës, i cili ndodhet në Ukrainë. Sipas kësaj agjencie, ekspertët e të cilës ndodhen në centralin e Zaporizhias, të pushtuar nga Rusia, njoftuan se kishin dëgjuar shpërthime të shumta gjatë javës së kaluar, një tregues për rritjen e aktivitetit ushtarak në këtë zonë. Pavarësisht kësaj këta zyrtarë shprehen se lajmi i mire është se nuk ka dëmtime në impiant. “Ka shumë të ngjarë që Rusia të ketë ridislokuar forca nga zona të tjera të vijës së frontit për të zëvendësuar njësitë e demtuara rëndë rreth Robotyne-s”, thuhej në njoftim. “Këto zhvillime ka të ngjarë të kufizojnë aftësinë e Rusisë për të kryer operacione sulmuese përgjatë zonave të tjera të vijës së frontit”, thuhej më tej. Shtimi i ushtrisë dhe tentativat e Ukrainës për të avancuar më tej, rrisin kështu rrezikun, pasi luftimet po bëhen pranë këtij centrali bërthamor. Pamjet: AFP