Skripal në 2018 (një ish oficeri i inteligjencës ushtarake ruse ) janë të lidhur me një shpërthim në një depo armësh në Republikën Çeke katër vjet më parë. Policia Ceke publikoi fotgrafi të Alexander Petrov dhe Ruslan Borishov të cilët ishin në vend në kohën e shpërthimit, ku u vranë 2 persona. Ndërsa Republika Ceke ka marrë vendimin për dëbimin e 18 diplomatëve rusë, bazuar në dyshimet se shërbimet ruse të zbulimit ishin përfshirë në një shpërthim municionesh në 2014, thanë të shtunën Kryeministri Andrej Babis dhe Ministri i Jashtëm Jan Hamacek. "Ekziston dyshimi i mirëbazuar për përfshirje të oficerëve të shërbimit rus të zbulimit (GRU), njësia 29155, në shpërthimin e depove të municioneve në zonën e Vrbetice", tha Kryeministri Babis në një konferencë , drejtpërdrejt në televizion. Disa shpërthime tronditën depon e municioneve në Vrbetice, 330 km në juglindje të Pragës, më 16 tetor 2014. Shpërthimet vranë dy punonjës të një kompanie private që po merrte me qera depon nga një organizatë ushtarake shtetërore. Ministri Hamacek tha se 18 punonjës të ambasadës ruse të identifikuar si personel i shërbimeve sekrete do të urdhërohen të largohen nga ky vend i NATO-s brenda 48 orësh.