Lideri cecen Ramzan Kadyrov në kanalin e tij të Telegram, dekalroi se forcat speciale çeçene Akhmat janë gati të zënë vendin e forcave Ëagner në Bakhmut. “Luftëtarët tanë janë gati të pushtojnë qytetin,” shkroi Kadyrov. Deklarata e Kadyrov , vjen pas asaj që bëri shefi i Ëagner  Yevgeny Prigozhin, i cili tha se dëshiron të tërhiqet më datë 10 maj. Ky i fundit kërcënoi me tërheqjen e trupave nga qyteti ukrainas Bakhmut, nëse nuk furnizohet me armatime nga ushtria ruse. Më herët, forcat pushtuese ruse njoftuan se po përgatiten të evakuojnë zonat që gjenden në frontet e luftës në rajonin jugor ukrainas të Zaporizhjës. Një përfaqësues lokal i Rusisë tha se Autoritetet në Zaporizhja kanë vendosur që përkohësisht të zhvendosin banorët nga 18 vendbanime që janë afër fronteve të luftës brenda rajonit, për shkak të rritjes së granatimeve ukrainase. Qyteti i Enerhodarit, ku gjendet centrali bërthamor i Zaporizhjës – centrali më i madh në Evropë është një prej lokacioneve që do të evakuohet, tha Vladimir  Rogov. Banorët e Tokmak dhe Poloi, por edhe të Kamianka dhe Rosivka, po ashtu janë urdhëruar që të evakuohen. Disa vendbanime të tjera, banorët e të cilave janë urdhëruar të evakuohen, gjenden 40 kilometra përtej frontit aktual të luftës. Pamjet: AFP