Vladimir Putin kërkon që cdo grua ruse të lindë shtatë, tetë apo edhe më shumë fëmijë, me qëllim që të ndalet tkurrja e popullatës. Duke p[aralajmëruar se është e pamundur të zgjidhen problemet katastrofike demografike të Rusisë me para dhe pagesa sociale, ai i kërkoi qytetarëve të lindin më shumë fëmijë. “Shumë nga njerëzit tanë ruajnë traditën e familjes, ku katër, pesë apo më shumë fëmijë rriten. Por kujtoni se në familjet ruse, gjyshet dhe stërgjyshet tona kishin 7 apo 8 fëmijë. Le të ruajmë dhe të rikthejmë në jetë pikërisht këtë traditë”, tha Putin. “Të kesh shumë fëmijë, një familje të madhe, duhet të bëhet një normalitet, një mënyrë jetese për të gjithë njerëzit në rusi. Një familje nuk është vetëm themeli i shtetit dhe shoqërisë, por është edhe një fenomen shpirtëror, burim i moralit”, vazhdoi ai. Vetë Putin besohet se ka të paktën gjashtë fëmijë, me tre partnere, edhe pse ai publikisht pranon vetëm dy vajza. Janë të shumtë ndërkohë zërat që ia atribuojnë luftën në Ukrainë, një rënieje masive të shkallës së lindjeve, dhe rritjes së vdekjeve, cka edhe dëmton popullaritetin e putinit në prag të zgjedhjeve të marsit. Popullata ruse ra me 550 mijë gjatë vitit të parë të pushtimity të ukrainës dhe shumë familje tani hezitojnë të lindin fëmijë në mesin e pasigurive ekonomike dhe konfliktit po ashtu.