Kryeministri izraelit Benjamin Netanyahu tha se cdo anëtar i Hamasit është një njeri i vdekur, pas takimit të parë të qeverisë së tij të emergjencave. Në krah të tij, ishte edhe figura e opozitës, Benny Gantz, i cili tha se ishte koha për luftë. Bilanci i viktimave në izrael ka arritur ndërkohë në 1200, dhe më shumë se 1100 persona janë vrarë nga sulmet ajrore izraelite mbi Gaza. Situata e krijuar bëri që Netanyahu dhe Gantz, të linin mënjanë rivalitetin politik, që u përshkallëzua madje edhe në protesta masive. Gantz i tha izraelitëve se qeveria e sapo krijuar ishte e bashkuar dhe e gatshme për ta fshirë Hamasin nga faqja e tokës. Përvec Netanyahut dhe Gantz, kabineti i ri i përkohshëm do të përfshijë edhe ministrin e mbrojtjes Yoav Gallant. Lideri kryesor i opozitës, Yair Lapid, nuk i është bashkuar aleancës. Sidoqoftë, Netanyahu dhe Gantz thanë në një deklaratë të përbashkët se një vend do ti rezervohej atij në kabinetin e luftës. “Gjatë periudhës së luftës, asnjë ligj apo vendim i qeverisë që nuk ka të bëjë me luftën, nuk do të kalojë”, thuhej në deklaratë. “Të gjithë emërimet e larta do të zgjaten automatikisht në periudhën e luftës. Qeveria e emergjencave do ti japë konsensus më të gjerë kombëtar veprimeve të ushtrisë. Ajo po ashtu con në kabinetin e luftës dy zëra që janë ekspertë në strategji ushtarake. Si Gantz, por edhe Gadi Eisenkot, që bashkohet si vëzhgues, janë ish shefa shtabi të ushtrisë izraelite.