Kremlini konfirmoi këtë të mërkurë se është në kontakt me administratën Trump për çështjen e luftës në Ukrainë. Edhe pse Trump dhe Putin janë shprehur të hapur për takim mes tyre, zëdhënësi i kremlinit Dmitry Peskov tha se kontaktet janë itensifikuar akoma më shumë gjatë ditëve të fundit. “Ka pasur kontakte midis agjencive të caktuara dhe ato janë intensifikuar kohët e fundit, Nuk mund të ndaj më shumë detaje,” u shpreh ai, raporton The Moscoë Times gjatë një konference me gazetarët. Peskov hodhi poshtë gjithashtu edhe mundësinë se Zelensky do të negociojë drejtpërdrejtë me Putin. “Gatishmëria duhet të bazohet në diçka. Nuk mund të bazohet në një ndalim ligjor që e pengon Zelenskyn të zhvillojë bisedime të tilla”, tha Peskov, duke iu referuar njoftimit të liderit ukrainas në vitin 2022 se ai nuk do të zhvillonte bisedime paqeje me Moskën sa kohë Putin është president i Rusisë. Ndërkohë presidenti amerikan Donald Trump tha të dielën se anëtarët e administratës së tij tashmë po bisedojnë me autoritetet ruse për t’i dhënë fund luftës në Ukrainë.“Ne do të flasim dhe mendoj se mund të bëjmë diçka që do të jetë domethënëse”, u tha Trump gazetarëve në Shtëpinë e Bardhë duke theksuar se ka si qëllim që t’i jap fund luftës.