Skuadrat e shpëtimit janë rikthyer të kërkojnë njerëz të bllokuar nën rrënoja në TUrqi pasi një tjetër tërmet goditi vendin duke marrë të paktën gjashtë jetë njerëzish. Një tërmet me magnitudë 6.4 u regjistrua afër qytetit të Antakias, pranë kufirit me Sirinë, ku tërmetet masive shkatërruan të dyja vendet më 6 shkurt. Tërmetet e mëhershme morën të paktën 44 mijë jetë njerëzish në turqi dhe siri, me dhjetëra e mijëra të tjerë të mbetur të pastrehë. Ndërtesat e dobësuara nga këto tërmete, u shembën në të dyja vendet nga tërmeti i të hënës. Agjencia turke e katastrofave dhe emergjencave tha se tërmeti me magnitudë 6.4 ndodhi në orën 20.04 minuta sipas orës lokale, në një thellësi prej 10 km. Ai u pasua nga një tërmet tjetër me magnitudë 5.8, tre minuta më vonë dhe 31 pasgoditje të tjera që nuk ishin shumë të forta. Ministri turk i shëndetësisë tha se 294 persona ishin lënduar, 18 prej tyre me plagë serioze. Mendohet se bilanci i viktimave ka qenë relativisht i ulët këtë herë pasi tërmeti ndodhi në një zonë që ishte kryesisht e zbrazët pasi u dmtua rëndë më 6 shkurt. Raportet nga qyteti i antakias, trefonin frikë dhe panik nëpër rrugë ndërsa ambulancat dhe ekipet e shpëtimit përpiqeshin të arrinin në zonat më të prekura, ku miret e ndërtesave të dëmtuara më herët ishin shembur. “Mu duk sikur toka do të cahej nën këmbët e mia”, tha një banore lokale për agjencinë e lajmeve reuters. Ajo, bashkë me fëmijën shtatë vjec, qëndronte si edhe shumë të tjerë në një kamp me tenda, në qendër të qytetit kur tërmeti u regjistrua.