Një krim brenda familjes tronditi këtë të shtunë Tiranën, ku një 68-vjeçar vrau me thikë bashkëshorten e tij. Ngjarja e rëndë ndodhi në rrugën Panorama rreth orës 10:20 të paradites ku Hysni Patushi sulmoi me mjet prerës gruan e tij Lumturie Patushi, 58-vjeç pas nëj debati që patën në banesën e tyre. Gruaja u dërgua me urgjencë drejt spitalit por nuk mundi dot të mbijetojë. Ndërkohë autori u larguaa nga banesa. Ai u vetëdorëzua pak orë më vonë në komisariatin e Kamzës. Në momentin e krimit paraprakisht ai dyshohet se ka qenë i dehur. Sipas të dhënave paraprake, çifti i bashkëshortëve kanë pasur probleme edhe më herët, ngjarja u pa edhe nga një prej nipërve të çiftit, i cili ndodhej në banesë me vëllezërit e tij të vegjël dhe gjyshërit. Sipas deklarimeve paraprake, ai kishte parë gjyshërit e tij duke debatuar dhe, pasi ishte larguar për pak çaste nga banesa, kur ishte kthyer kishte parë gjyshin duke goditur me thikë gjyshen. Lidhur me rastin po vijojnë hetimet me qëllim zbardhjen e plotë të rrethanave të kësaj ngjarjeje të rëndë.