Bashkëshorti i ministres Delina Ibrahimaj është kallëzuar në polici nga ish drejtori I përgjithshëm I Agjencisë së Trajtimit të Kredive, Eri Koshaj se e ka plagosur me thikë. Denoncimi është bërë në 20 nëntor të vitit të kaluar, por ngjarja u mbajt e fshehtë. Koshaj pretendon se ishte mëngjes kur ai po ecte në rrugën “Tefta Tashko Koço” dhe prej një lokali doli bashkëshorti i ministres Andi Ibrahimi, i cili i kërkoi që të sqaroheshin në një ambient aty pranë. Por ai nuk pranoi e për këtë arsye, burri I ministres e qëlloi me thikë dhe e ofendoi. Sipas burimeve rasti është referuar në prokurori për veprën penale “Goditje për shkak të detyrës”, por autori nuk u arrestua nga uniformat blu. Ministrja e Shtetit për Sipërmarrjen dhe Klimën e Biznesit, Delina Ibrahimaj në një reagim në Facebok, sqaroi se konflikti ndodhi pranë ambienteve të punës së bashkëshortit të saj ndërsa theksoi se ajo nuk ka ndërhyrë për këtë çështje të cilën ia ka lënë drejtësisë.