Mjekët u detyruan të prisnin testikulin e një të riu, i cili u qëllua nga një oficer policie gjatë protestave në Paris, javën e shkuar, thotë avokati i tij. Imazhet nga protestat e të enjtes, qarkullonin në fakt online dhe tregonin një polic që godiste një burrë mes këmbëve dhe më pas largohej. Vetë protestuesi i qëlluar madje shihej teksa mbante një kamera në dorë. Incidenti ndodhi gjatë një episodi të dhunshëm në marshimin kryesisht paqësor ku morën pjesë dhjetëra e mijëra njerëz që kundërshtojnë planet e qeverisë për të rritur moshën e daljes në pension...Rreth 1 milionë njerëz marshuan në qytetet e francës të enjten. 26 vjecari, i identifikuar nga shtypi francez si një inxhinier, tha se ai ishte shtrirë për tokë nga një polic, ndërsa po bënte disa foto gjatë një momenti konfrontimi mes demonstruesve dhe policisë. Një tjetër oficer e goditi atë duke e qëlluar me shkelm mes këmbëve. Avokatja e 26 vjecarit, thotë se ka hartuar një kërkesë padi në emër të klientit të saj, për dhunë që coi në gjymtim nga një person me autoritet publik. “Ishte një goditje aq e fortë sa që ai u detyrua ti nënshtrohej procedurës për prerjen e testikulit”, tha avokatja duke shtuar se inxhinieri ishte ende në spital. Inxhinieri që jeton në ishullin francez në karaibe, Guadeloupe, është ende i shokuar dhe vazhdon të pyesë përse ndodhi e gjithë kjo...