Është lënë në masën e arrestit me burg Violand Braçellai, autori i vrasjes së policit Enea Mekolli dhe plagosjes së një tjetër efektivi, Edison Ardi. Vendimi i Gjykatës së Korçës dhënë nga gjyqtari Gentian Sallahu, iu komunikua në spitalin e Traumës Braçellarit, ku po qëndron nën kujdesin e mjekëve për shkak të plagëve të marra gjatë operacionit policor. Ndaj tij rëndojnë akuzat “Vrasje e punonjësve të policisë së shtetit”, “Vrasje e punonjësve të policisë së shtetit” ngelur në tentativë, “Mbajtje pa leje dhe prodhimi i armëve, armëve shpërthyese dhe i municionit” në formën e mbajtjes së armëve të zjarrit në ambiente publike dhe “Prodhimi dhe mbajtja pa leje e armëve të gjuetisë dhe sportive” në formën e mbajtjes së armës së gjuetisë dhe municionit. Ngjarja e rëndë që tronditi opinionin publik ndodhi mëngjesin e 4 qershorit, kur forcat e policë rrethuan standin ku fshihej i kërkuari Violand Braçellari, i dënuar në vitin 2017 me 9 vjet, 11 muaj e 7 ditë burgim nga Gjykata e Korçës, për veprën penale “Prodhimi dhe shitja e narkotikëve”, ndërsa në vitin 2011 ndaj tij është caktuar masa e sigurisë “Arrest në burg”, për veprën penale “Kultivimi i bimëve narkotike”.