Gjykata la në fuqi masat e sigurisë arrest me burg për 19 personat e arrestuar në kuadër të operacionit “Tempulli 3”. Atra dolën para gjykatës këtë të dielë ku u njohën me vendinim e trupit gjykues. Nga hetimet ka rezultuar se këta persona shpërndanin lëndë narkotike, afër shkollave, dhe në ambiente të tjera të frekuentuara nga të rinjtë, në zona të ndryshme të Tiranës. Nërkohë prokurria paraqiti prova për secilin prej të akuzuarve mes të cilëve dhe Armando Xheladini, I njohur dhe si Jetnor Cinallari, apo Armando Tarushllari i arrestuar në maj të këtij viti për vrasje me dashje kryer në bashkëpunim, për një ngjarje të ndodhur në shtetin grek. Gjatë aksionit të zhvilluar dy ditë më parë u sekuestruan në cilësinë e provës materiale: 1.2 kilogramë lëndë e dyshuar narkotike kokainë; qindra doza të lëndëve të dyshuara narkotike heroinë dhe kanabis; 12 celularë; 5 automjete; shuma të konsiderueshme parash në lekë dhe valuta të tjera, të dyshuara të përfituara nga shitja e lëndëve narkotike. Ndërkohë vijon puna për kapjen e personave të shpallur në kërkim.