Babë e bir, vrasësit Eglantina Bucit, që ishte vajza e motra e tyre, do të qëndrojnë në burg. Gjykata e Tiranës ka dhënë këtë të dielë vendimin ‘arrest me burg’ për Faik dhe Shkëlzen Bucin, që akuzohen se kanë vrarë 23 vjeçaren. Faik dhe Shkëlzen Buci u shfaqën të qetë para gjykatës, madje në disa çaste edhe të qeshur, pavarësisht krimit makabër që akuzohet se kanë kryer. Babë e bir nuk kanë pranuar vrasjen e ndodhur 8 vite më parë. Pas gjyqit avokati I tyre ka deklaruar ata e kanë mohuar përfshirjen në vrasjen e saj. Sipas avokatit, vajza kontaktin e fundit e ka pasur në vitin 2009 me ta. Vrasja e Eglantina Bucit është zbardhur 8 vite pas vdekjes së saj. Për këtë ngjarje të rëndë, u arrestua dy ditë më parë babai i saj, Faik Buci. Ndërkohë në qeli është edhe Shkëlzen Buci, vëllai i saj, I cili ndodhet në burg për një ngjarje tjetër. Sipas akuzës babë e bir e kanë vrarë Eglantinën për çështje nderi. Faik Buci urdhëroi djalin e tij Shkëlzenin të vriste 23 vjeçaren, pasi nuk pranoi bashkëjetesën e saj me një djalë. Ishte i vëllai që qëlloi mbi të motrën e një plumb në kokë dhe më pas e kanë varrosur në zonën e Malit me Gropa.