Ndërsa pritet që Kodi i ri Penal të shqyrtohet në Kuvendm një risi është ashpërsmi i dënimeve për krimet seksuale, veç atyre terroriste. Krahas neneve që pritet të shqyrtohen për përfshirjet në marrëdhëniet seksuale me të mitur, një risi është dhe një dispozitë që synon të luftojë turizmin seksual dhe format e organizuara të shfrytëzimit. Hartuesit kanë shtuar një pikë nenin 10/n në drafti ku parashikohet ndëshkim penal për organizimin e udhëtimeve me qëllim kryerjen e veprave penale seksuale, pavarësisht nëse këto veprime janë të ndaluara ose jo në vendin ku kryhet udhëtimi. Sipas formulimit, përgjegjësia penale shtrihet jo vetëm mbi ata që përfitojnë financiarisht, por edhe mbi rastet kur udhëtimi organizohet pa shpërblim.“Organizimi i udhëtimeve për të tjerë, përkundrejt shpërblimit apo jo, me qëllim kryerjen e ndonjë prej veprave penale të parashikuara në këtë seksion ose në nenet 114, 114/a/1 dhe 117, pavarësisht parashikimeve ligjore përkatëse në vendin për ku organizohet udhëtimi, dënohet me burgim nga dy deri në gjashtë vjet.", shkruhet në draft. Me një shembull konkret, nëse organizon një udhëtim dhe ndodh të kryesh marrëdhënie intime me dikë në vendin që keni udhëtuar, dënohesh me burg. Pasoja të rënda parashikohen edhe për personat juridikë. Në rast se një kompani, biznes apo subjekt tjetër juridik përfshihet në organizimin e udhëtimeve për qëllime seksuale, përveç përgjegjësisë penale të individëve, gjykata mund të vendosë edhe mbylljen përfundimtare të subjektit. Drafti i Kodit të ri Penal është në fazë diskutimi dhe mbetet për t’u parë nëse ky nen do të pësojë ndryshime, sqarime apo kufizime përpara miratimit përfundimtar në Kuvend.